ديوان الشاعر : دباس بن ردن العلوي (فارس حمول الخيل)

هذي قصيده من الشاعر : سعود بن ضفيدع العنزي



ورد شاعرنا القرن





واليكم رد الشاعر سعود العنزي




ورد فارس حمول الخيل


.

دباس بن ردن القرن

هذهي القصيده ترحيبيه بمناسبة زيارت صاحب السمو الملكي الامير فيصل بن مشعل بن سعود بن عبد العزيزلمدينة قبة

يا سيدي بزيارتك نور الدار = واستبشرت بزيارتك يا سندها
هلا هلابك عد همال الامطار = وعد المزون اللي يترازم رعدها
بسم الامير الصيرمي وافي الاشبار = وبسم البلد واهل البلد في بلدها
كل يرحب فيك يا نسل الاخيار = يا ابن حفيد اللي مثبت وتدها
عبد العزيز الي قطع كيد الاشرار = قضى على الفتنه وعمق لحدها
الله يجيره يا معزى من النار = يا موحد الدوله ومسس عمدها
علي الهداء اللي تهتدي فيه الابصار = هدي الشريعه للبلاد اعتمدها
دستور يحكم به ولا عنده اخيار = والشرع به عز النفوس وسعدها
عساه با الجنه مع الناس الابرار= من قدم الحسنه اقباله وجدها
وحييت يا فيصل معزه ومقدار = اكثر من انجوم المجره عددها
سموكم بزيارته نور الدار = واستبشرت يا ذخرها يا سندها

دباس بن ردن القرن

نظمت من زين التمثيل قيفان = با اللي لهم ميقاف في كل دوله
سلام يا كسابت الطيب قحطان = زحول الرجال اهل الوفاء والرجوله
قومن بحزات الشددايد لهم شان = يوم انها مابين صوله وجوله
امدح هل الوقفات من قلب والسان = بقول نقطه من بحر لا شموله
نعم بهم مليار ذربين الايمان = الياسعو با الصعب هانت حلوله
من واقع اسحاس ودلايل وعرفان = الي يقولون الرجاجيل اقوله
تاريخكم حاف علي مر الازمان =يوم ان ابن هادي تسجل افعوله
شيخ اقحطان وراعي سنان واعنان = هذا الصحيح وكل شي بوصوله
ريف الرفيق وللعدى سم ثعبان = قول وفعل والي يقوله يطوله
ياما عطت كفه طويلات الرسان = با الجود مثل الغيم لرخى ثعوله
وكانه زعل يطيع له كل شيطان = تاريخه امجاد ومعزه وطوله
وربعه القام الكون شعله ودخان = وكلن تنومس عزوته في فعوله
والابل مزينها يساهم با الايمان = جلا جلال الي ذكرها بقوله
ما ينجحد شين نشوفه با الاعيان = وقتن مضى كم سقمت من حموله
بغت تورا عن نظرنا با الوطان = لولا الرجالا تراثم عودوله
احدن بها مغرم ولو كان خسران = وحدن يدور من وراها عموله
ولاني مفرق بين بدوان وحضران =كم ابلجن يذبح الضيفه ذلوله
شعب السعوديه بني عم واخوان = جعل السعد والخير عرضه وطوله
كل الوطن با العين لولو ومرجان = الله يعز الي حكم فيه دوله
دباس ردن اسمي ولي حرب عنوان = وبني علي ربعي رجال البطوله
اميرهم محسن سلايل صنيتان = كل القبايل با الكمال اشهدوله
الفرم شيال الثقايل بليهان = يقال للي عانده منت حوله
شريدة الفرسان من روس فرسان = مقدم حمول الخيل يسرج اخيوله
يكسر عداه بكل ماقف وميدان = باسه قوي والي بشفه يطوله
والكامل الله عالم الغيب سبحان = سبحانه الي با الصلاة اسجدوله
رب السماء منزل من الغيم هتان = منزل الوحي بمسمع رسوله
والعفو كان بما تطرقت نقصان = الي يقصر با الكلام اسمحوله

يالله يا واحد ويا خير معبود = يا واحدٍ مافيه غيره نسآله
تفرج لمن حالة غدت كنها العود=ذاق الكدر والمر من ما جراله
وأليا بغى له مخرجن صار مسدود=تلعب به الافكار مثل المحاله
ويالله يا الي لدعيناك موجود = انت الكريم الي تحقق آماله
اتوصل المكتوب يم راعية جود =هي فرحة المضيوم بنت الاصاله
اليا تردا الحظ مالك سوا ...... = بنت الكريم الي عسى الخلد فاله
قولي شسوي يوم انا صرت مقرود= سجين زلاته بحاجة كفاله
كفالة فيها الندم در وعقود = الياحوت طيب القلوب السهاله
وغلاك عندي وافين ماله احدود=تسوى شعر من حط شعره وقاله
ولاباالتسامح بين الاصحاب منقود = في جاه منجي نوح رب الجلاله
واقسمت با الي كوّر البيض والسود = انه فلا عندي نوايا سفاله
ارجوك ثم ارجوك ثم ارتجي زود = اسمح وسامح سو فيني جماله

تفضل الرد اتمنى ان يرتقي الى حد قصيدتك الشامخه



وسلامتك وسلامة كل من يقراها

سلام يا سيد الرجاجيـل نايـف=الفرم شيـال الحمـول الثقيلـه
ابضف غيره ما تلوق الوظايـف=اليا صار ماهي عند شيخ القبيله
نجل الامير الي فعولـه طرايـف=ياسعد وقت الضيق من يلتجيلـه
هو مزبن الخايف وستر العفايف =الياعتز من فوق سرج الا صيلـه
له عزوتن تعرف بسبع الطوايف =الياطرف الفسقان دون الد بيلـه
الياشاف خصمه ينحره ما يسايف =والراس من فوق العلابي يشيلـه
علي الصويتيه غريب الوصايـف =كم شيخ قومن فلسه من حصيله
واليوم نجلس فوق حمر القطايف =عصر الفتن قفـى وراح بسبيلـه
والشكر الله هرجنا با المصايـف =داخـل وطنـا ماانـدور بديلـه
ونطلب يا ابو نواف دعو خفايف =والا انت ذخري با المور الثقيلـه
انخاك يا ملافا الركاب الهجايـف =نشرح لك الموضوع ماهي طويله
تصعب علي غيرك وعندك خفايف =انته جبل موج البحـر يرتكيلـه
ماني الي جتك القصيده حسايـف =لوانهاابياتـن اخفـاف وقليلـه
السالفه ماضـن فيهـا كلايـف =مطلوبي لدعـوه نشـرح دليلـه
واسلم عدد مهب من شرق طايف= يا امير يا راعي الفعول الجميلـه

بسم الكريم المعتلي باالسماء فوق =الي يجازي كل نفسن بعملها
اختار من جزل الطواريق طاروق =ومن المعاني جزلها عن هزلها
حشمه وشيمه جعلها ترضي الذوق =بمزاين الهيلا وقفت ارتجلها
اعتيبه الي صيتها عزمـــرموق =كل الخصال الطيبه تشتملها
خيالهم ماهو علي الفعل مسبوق =فعيله با الكون محدن فعلها
يسوق عمره دونها للخطر سوق =ون طب سوق المايلات ايعدلها
باالفهم والمفهوم والعرف ماثوق =خصايلن ماكل رجل يحملها
يوم القبايل بينها فرق وفروق =وإلي عليها مثل ما قيل ولها
بحماتكم تراعى الخطر شمخ النوق =لاسيقت العطفه ودرهم جملها
واليوم بمن الي عسى مالهم عوق =حكامنا الي ما ندور بدلها
بمن وامن وكل مطرود ملحوق =من فضل ابو متعب محقق املها
مبروك يا برقاء ومبروك يا روق =وان الثقيله مالها غير اهلها
عبرت ما كنيت من دافع الشوق = من شاعرن عذب المناهل نهلها
قلته وانا ماني عن الطيب مفهوق =ولاخاب رجلن جهوده بذلها
ولي وعليه مثل ماليه احقوق =وقبيلتي تعرف ولحدن جهلها
حربي وليه قمة الطيب معشوق =وربعي حمول الخيل تشفي عللها
تشفي غليل الي من الغبن محروق =في ضف ابو جلال مخلي احللها
وعلي النبي الهاشمي خير مخلوق =ازكى صلاة الي حياتي كفلها

دباس بن ردن العلوي الحربي

يا مشعل القاسم عسى الرب يحميك =يا ابن الرجال الي بعيدن نظرها
المدح والناموس والمرجله فيك =متشاركن فيك الظفر مع سطرها
لك وقفتن با الطيب محدن يباريك =وبك خصلة ربي بشخصك بذرها
خصلة وفاء يا قلها من جوليك =في وقتنا الحاضر قليل خبرها
الا معك حيث انها من مباديك =بذرت اجدود ك انت تقطف ثمرها
حيكم راي وتعطي الشور تكتيك =ولك وقفتن با الطيب كل (ن) ذكرها
وسلم يا ابو فارس عسى الرب يدريك =ومن شر عثرات الليال وخطرها

بديت با اللي عالمن سر خلقه = وابديت ماكنيت والناس نايمه
في لليلة يخفى المخاليق سرها = ويعلم بها المعبود منشي غمايمه
يسري بها اللي همته ينسرابها = ويرقد بها اللي نايمات همايمه
أصبحت فيها حاير(ن)في مصيرها = والنفس في بحر التفاكير عايمه
فكرن يوديني وفكرن يجيبني = وهمأ يزايمني وهمأن ازايمه
ابادل الحيلات واخاف غدراها = واخاف من جور الزمان وهظايمه
لاشك قلبي ما يطاوع اليا نها = يخاف من وقتن تخالف قوايمه
ومدام فيها اللي الياجيت تعتزي = يشفي الكبود الي عن الزاد صايمه
لا صاح صياح الضحى في لزومها = مثل الذرا للي شقا الوقت ضايمه
نايف ونايف نايفات أعلومه = يروم راس المجد والمجد رايمه
له ماقف (ن)ماياقافه خايب الرجاء = وله وقفتن تشفى العليل وسقايمه
جيتك يا ابو نواف في لازمن لي = وشرواك ال مثلي من يقضي لزايمه
يا مير وقفاتك مع الناس كلها = وسمعتك با الناموس والطيب دايمه
ياعلها تبقى لنا دايم الدهر = مدام با الدنيا تذعذع نسايمه
واختامها مني صلاتن علي النبي = ماغردت فوق الجرايد خمايمه

ها الابيات موجهه لدباس ابن ردن:
----------------------------------

	عيني قزت يا صاحبي ما تنومي = تسهر مع الفنجال واليل حاديه ما به رمد لا بجفنه هزومي = والحال مني قاصرات مشاحيه ابو ردن ياخوك زادت سقومي = في كل مره يوصل السهم راميه القلب ما بين الاضلاع يومي =حتي العروق صخيفه ما تغذيه من سبة اللي خدها خوخ رومي =و ان سلهمت بالعين للحي ترديه العمر غفلا ما عليها وسومي = لو شفتها زين النحر يوم تبديه يا دباس مثلك من يرد العلومي = رد الخبر يا دباس واذكر محاويه انهج شمال وشرق هذا لزومي = عساك تلقي من يدلك ويطريه الجرح غايرمن صواب السهومي = جود صوابه حين حط البلا فيه الله يلوم اللي لحالي يلومي =السم يسري في عروقه ويسقيه

	الرد علي ابو فهد اهلا عدد ماهل وبل الغيومي=باللي على الطولات دايم هقاويه ابوفهد نسل الرجال القرومي=خطن عزيز ومن عزيزن امعنيه يشكي علي امرودعات الوشومي =عكش العيون امجوداتن مكاويه وانا معه في كل درب ويمومي=يامر وانا انفذ ولا اقول له ليه واذلل اللصعبات لجله واقومي=واطى على راس الحنش في مساعيه وان عانني ربي قضيت اللزومي=الجاه قبل المال والله الياتيه وترا القمر لوحال دونه اغيومي=لابد مانوره على الارض يبديه الله ايقوي في لزومك اعزومي=يابن الرجال اللي عزيزه مجانيه واكسب جميل ابطيبين السلومي=اللي لهم عندي اكبار المشاريه ومن لاوقف في لازمك مايقومي=وقت الرخاء كلن يبي يعوضك فيه هذا وانا قبلك اعد النجومي=اسهر طوال الليل من شي اشكيه الجفن والله ماتهنى بنومي=مثل الكسير اللي صوابه يعانيه ماجوز عنها لوكثر في لومي=احبها حبن على الله مشاكيه بنت الرجال اللي بها كل زومي=اللي لهم في ماقف العز تشبيه وبيت القصيده هو نهاية اعلومي =ان قاله الله جابه ادباس بيديه تمت وصلى الله على خير قومي= شفيعنا اللي ساعة الحشر نرجيه دباس بن ردن القرن